Нұр-Сұлтан қаласының Экономика және бюджеттік жоспарлау басқармасы
March 25, 2021

Болашақ салымшыларға арналған «Ашық есік күні»

«Ашық есік күні» – Бірыңғай жинақтаушы зейнетақы қорының салымшылары мен алушылары үшін дәстүрлі іс-шараға айналды. Алайда коронавирус (Covid-19) індетіне байланысты салымшылармен қазір Қор филиалдарында бетпе-бет кездесу өткізу мүмкін емес. Сондықтан БЖЗҚ қызметкерлері оны кезекті рет виртуалды кеңістікте өткізді.

Кез-келген адам онлайн-платформаның көмегімен үйінен шықпай-ақ онлайн-іс-шараға қосылып, «Ашық есік күніне» қатыса алды.

Іс-шараның тақырыбы – «БЖЗҚ-ның онлайн-қызметтері». Өткен 2020 жылы адамзаттың жаңа сынаққа тап болғаны белгілі – бұл covid-19 коронавирустық індеті. Бірқатар карантиндік шектеулер мен локдаун режимі қабылданды, осыған байланысты қызметтерді қашықтықтан, онлайн-форматта алу қажеттілігі өсті.

БЖЗҚ дамыған және дұрыс жолға қойылған электрондық технологиялардың арқасында алға қойылған міндетті атқара білді және виртуалды кеңістікте көрсетілетін қызметтер көлемін 92% дейін жеткізді. Бұл салымшыларға енгізілген шектеулерге қарамастан қажетті қызметтерді алуды жалғастыруға мүмкіндік берді. Ал әзірше ғаламтор әлемін енді ғана меңгеріп келе жатқан азаматтар үшін Ашық есік күні өткізілді. Біздің мамандар оларға жеке зейнетақы шотынан үзінді көшірме алуға көмектесті, enpf.kz сайты мен мобильді қосымшада зейнетақы активтері бойынша ағымдағы көрсеткіштерді қалай қадағалауға болатынын көрсетіп, шарттардың деректемелерін өзгертуді үйретті, зейнетақы калькуляторының көмегімен болашақ зейнетақыларын есептеп берді.

Іс-шараға  еліміз бойынша көптеген адам қатысты, олардың әрқайсысы электрондық форматта өткізілген  «Ашық есік күніне» ризашылығын білдіріп, Қор қызметкерлерінің қойылған сұрақтар бойынша ақпаратты түсінікті әрі қарапайым әдістермен жеткізе білетіндерін атап өтті.

БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. 2016 жылғы 1 қаңтардан бастап зейнетақы активтерін басқару тиімділігін арттыру бойынша ұсыныстар жасау қызметі Қазақстан Республикасының Президенті басшылық ететін Ұлттық қорды басқару кеңесіне берілді. Зейнетақы заңнамасына сәйкес БЖЗҚ міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, зейнетақы төлемдерін, зейнетақы жинақтары мен төлемдерін жеке есепке алуды жүзеге асырады, салымшыға (алушыға) зейнетақы жинақтарының жай-күйі туралы ақпарат береді (толығырақ www.enpf.kz сайтында).


Қазақстан Республикасы Президентінің ресми сайты
100 нақты қадам
Мемлекет басшысының Қазақстан халқына Жолдауы
«Қазақстан-2050» стратегиясы
Валюта Покупка Продажа
$
P